Hetimi financiar dhe rikuperimi i aseteve

Më 25-29 shtator 2023, Akademia e Drejtësisë në bashkëpunim me UNDP/SAEK, janë duke realizuar trajnimin me temë “Hetimi Financiar dhe Rikuperimi i aseteve”.

Trajnues të angazhuar në këtë trajnim janë: z. Kujtim Munishi, Kryeprokuror i Prokurorisë Themelore në Prishtinë, z. Bashkim Hyseni, Gjyqtar në Gjykatën e Apelit, z. Shkelzen Ibrahimi, Prokuror në Prokurorinë e Apelit si dhe z. Arton Hajdari, ekspert i forenzikes financiare nga NJIF.

Qëllimi i këtij trajnimi është avancimi i pjesëmarrësve lidhur me Hetimin financiar dhe kthimin e aseteve, ku në prani të trajnuesve në mënyrë fizike dhe përmes Platformës së mësimit në distancë të Akademisë së Drejtësisë ti zhvillojnë shkathtësitë e tyre sa i përket hetimit të veprave penale të Korrupsionit nga kapitulli 33 i Kodit Penal të Republikës së Kosovës, shpëlarjes së parave dhe kthimin e aseteve të fituara me vepër penale.

Metodologjia e zbatuar është e karakterit të kombinuar, me shpjegime teorike dhe hulumtime përmes platformës.

Përfitues të këtij trajnimi janë: gjyqtar, prokuror, bashkëpunëtor profesional dhe zyrtar hetues nga Policia e Kosovës.