![blog-post](/media/mediafields/LajmedheAktivitete/4dmv94r5etqm9t67yxke1c6k41/a32c0a1ad8200d318e34e71409c69e58.jpg?height=250&token=BxOZIlv1CN0ntDFM1x6bD404MZXqLEzcbxGyEZWQg3g%3D)
Ndjeshmëria gjinore dhe Kodin e Sjelljes në vendin e punës
Me 31 janar 2023, në mbështetje të projektit EKOJUST është realizuar trajnimi për stafin e Akademisë së Drejtësisë me temë: “Ndjeshmëria gjinore dhe Kodi i sjelljes në vendin e punës”.
Qëllimi i këtij trajnimi ishte ngritja e kapaciteteve të stafit për ndjeshmërinë gjinore si dhe për sjelljet në vendin e punës në pajtim me legjislacionin në fuqi.
Në pjesën e parë të trajnimit u diskutua për ndjeshmërinë gjinore, për kuptimin gjinor, kuptimin e gjinisë biologjike, rolet, stereotipet gjinore si dhe për barazinë gjinore në vendin e punës. Me rastin e trajnimit u diskutua edhe për Ligjin e Kosovës për barazi gjinore, Ligjin për mbrojtjen nga diskriminimi si dhe për standardet e BE-së sa i përket barazisë gjinore si dhe ndjeshmërisë gjinore.
Gjatë trajnimit u përdoren edhe raste hipotetike për ndjeshmërinë gjinore dhe stereotipet që ndikojnë në barazinë gjinore dhe në vendin e punës.
Në pjesën e dytë të trajnimit u diskutua për Kodin e Sjelljes, përkatësisht për elementet kryesore të tij si vlerat e punëdhënësve, sjellja e punonjësve, praktikat e brendshme dhe praktikat e jashtme duke e elaboruar edhe me raste hipotetike. Në vazhdim u trajtua edhe Ligji për Zyrtarët publik me theks te ligjshmëria, transparenca, paanësia dhe pavarësia profesionale, jo diskriminimi, shmangia e konfliktit të interesit si dhe për parimin e mundësive të barabarta. Pavarësisht parimeve mbi të cilat bazohet ky ligj u vunë në pah edhe vështirësitë ligjore në zbatim të këtij ligji meqenëse nuk janë aktet tjera përcjellëse të rregulluara.
Pjesëmarrësit gjatë trajnimit patën mundësinë e diskutimit dhe parashtrimit të pyetjeve për temat që u trajtuan duke marrë edhe përgjigjet për situatat konkrete.
Përfitues të këtij trajnimi ishin 22 pjesëmarrës nga stafi i Akademisë së Drejtësisë të cilët në fund morën certifikatat për pjesëmarrje në trajnimin përkatës.
Postuar më: 31-01-2023